Türkmen topragynda döräp, müňýyllyklaryň dowamynda kämilleşip, it tohumlarynyň naýbaşy hasaplanýan türkmen alabaý itleri halkymyzyň milli gymmatlygydyr. Hormatly Prezidentimiziň yzygiderli aladasy bilen häzirki wagtda ýurdumyzda alnyp barylýan işler gün-günden artýar. Gahryman Arkadagymyzyň hut özüniň başlangyjy bilen 2020-nji, ýagny “Türkmenistan – Bitaraplygyň mekany” ýylynyň 1-nji maýynda “Türkmen alabaý itleri” assosiasiýasynyň döredilmegi, 7-nji maýynda “Türkmen alabaý itleri” assosiasiýasynyň birinji mejlisiniň geçirilmegi, bularyň ählisi türkmen itşynaslarynyň ýeten belent derejesini bu gün dünýä mälim edýär. Ýurdumyzda itşynaslara berilýän ünsüň ýokarydygyny alnyp barylýan işleriň netijesinde hem görmek bolýar.
WEPALYLYK
GÜÝÇLÜLIK
SALDAMLYLYK
«Alabaý – biziň watanymyzyň baýlygy. Ol biziň ata – babalarymyzyň döreden milli gymmatlygy. Ony gorap saklamak, ähli ajaýyplygy bilen geljek nesillerimize ýetirmek biziň borjumyzdyr».
Türkmen alabaýy gadymy oguz nesliniň dünýä medeniýetine goşan ajaýyp goşandydyr. Halkymyz bedew aty ýaly, alabaý itini hem iň ýakyn kömekçisi, wepaly dosty hasaplapdyr.
Türkmen alabaýynyň wepaly, batyr durky ruhy hem-de beden sagdynlygyny bize nusga edýän gözellikdir. Türkmen alabaýynyň iň kämil keşbi hakydalarymyzdadyr.
Läheň göwreli, gazan kelleli, aýy penjeli, ýumşak häsiýetli, wepaly itler türkmende bar.
Türkmen alabaýy adamkärçiligiň asylly ýörelgelerini özünde jemleýän “türkmençiligiň” batyrlyk, merdanalyk, wepalylyk, sypaýylyk gatnaşyklarynyň alamatlandyrylmasydyr.
Ata-babalarymyz Türkmen alabaýyny eýesine wepadar, goýna hüşgär edip ýetişdirmek üçin yhlas baryny siňdiripdirler. Alabaýy gördügiň, gözüň dokunýar.
Türkmen alabaýlarymyz wepalylygyň, goraglylygyň, üstünligiň nyşany. Pederlerimiz gadymyýetden ony maşgala ojagynyň goragçysyna, ýakyn dostuna öwrüpdirler.
Alabaý-biziň Watanymyzyň baýlygy .Ol biziň ata-babalarymyzyň döreden milli gymmatlygy. Ony gorap saklamak,ähli ajaýyplygy bilen geljek nesillerimize ýetirmek biziň borjumyzdyr.
Ynsanyň iň bir ýakyn dosty, goragçysy hasaplanýan alabaýlar türkmeniň geçmişinde, häzirki döwründe esasy orny eýeleýändir.Olaryň duýgurlygy, hüşgärligi, wepadarlygy hem-de kyn günüňde ýakyn dost kimin ýardam edýänligi aýdylana güwälikdir.Türkmen milletini, onuň geçmişini alabaýsyz asla göz öňüne getirmek mümkin däl.
Türkmenistanyň Hormatly Prezidenti Gurbanguly Berdimuhamedow tarapyndan yzygiderli durmuşa geçirilýän Türkmenistanyň döwlet syýasatynyň ileri tutulýan ugurlaryndan biri dünýäde türkmen halkynyň taryhy-medeni milli mirasyny gorap saklamak we ýaýratmakdyr. Bu ugurda alnyp barylýan giň gerimli işleriň möhümleriniň biri täsin tohum bolan Türkmen alabaýynyň sanyny köpeltmekdir.
Müňlerçe ýyllyk taryhymyzy öwrenmekde, milli gymmatlyklarymyza eýe çykmakda, olary gözümiziň göreji ýaly gorap saklamakda Gahryman Arkadagymyzyň bitiren işlerini hiç bir zat bilen ölçäp bolar ýaly däl. Bu bolsa ýurdumyzda alnyp barylýan işleriň ählisiniň hem «Döwlet adam üçindir!» diýen belent şygaryň astynda durmuşa geçirilýändigine aýdyň şaýatlyk edýär.